Казанда ТНВ хезмәткәрләре өчен Яңа ел бәйрәме узды

2 гыйнвар Казанның Химиклар сараенда "Яңа Гасыр" телеканалы хезмәткәрләре балалары өчен Яңа ел бәйрәме узды.

Химиклар мәдәният сараеның Концерт залы бу көнне тулы иде. Балалар һәм аларның әти-әниләре профессиональ театрлар башкаруында Яңа ел спектакльләрен күрделәр.

Спектакльдән соң концерт залы фойесында балалар Яңа ел әйлән-бәйләнендә катнаштылар, Кыш Бабай һәм Кар Кызы белән очраштылар.

"Яңа Гасыр" телекомпаниясе"ндә Яңа ел чаралары ел саен үткәрелә.