Онлайн трансляция

Свернуть

Быел Казан мәктәпләре ашханәләрен 30 миллион сумга яңартканнар.

Быел Казан мәктәпләре ашханәләрен 30 миллион сумга яңартканнар.

https://tnv.ru

24 Ноябрь 2020, 17:57

108

0

Күбесенең ризык пешерү цехларына, савыт-саба юу урыннарына WorldSkills чемпионатыннан калган иң заманча җиһазлар урнаштыралар. Бу хакта бүген Казан мэриясендәге киңәшмәдә хәбәр иттеләр.

Быел Казан мәктәпләре ашханәләрен 30 миллион сумга яңартканнар.
Хәзер җитәкчеләргә туклануга кагылышлы башка мәсьәләләрне хәл итәсе бар. Әти-әниләр ризык сыйфатына зарлана, кайбер мәктәпләрдә хаман пешерүчеләр җитми. Кайда бу проблема чишә башлаганнар инде?

Казанның 87нче мәктәбендә пешерүчеләр һәрчак җитми торган була. Бер ел элек хезмәт хакын күтәрү ярдәм иткән. Хәзер 790 балага бишәү хезмәт күрсәтәләр.

Алинә СЕРГЕЕВА, аш-су остасы:
- Без алтынчы яртыда эшкә киләбез инде, былтырга карганда быел эш күбрәк ләкин зарплата шул ук калды.

Бер ел элек мәктәп ашханәсе пешерүчеләренең хезмәт хакы 7 мең тирәсе була, хәзер 17 мең. Быелдан бушлай булгач, башлангычлар 100 процент ашый, икенчегә дә керәләр, пандемия сәбәпле балаларны көн дәвамында берничә сыйныфлап кына ашаталар, эш арткан. Мәшакате күп, хезмәт хакы аз булгангамы, Казан буенча мәктәп ашханәләре кадрлар белән 93 процентка гына тәэмин ителгән. Шуңа хезмәт күрсәтү дә аксый, зарлар кимесә дә, бөтенләй бетмәгән.

Рима МӨХӘММӘТШИНА, Казанның азык-төлек һәм социаль туклану департаменты генераль директоры:
- Быелгы уку елы башыннан килгән мөрәҗәгатьләргә килгәндә, әти әниләр ризык сыйфаты, тәме, мәктәп менюсында булган ризыктан зарлана. Ашларның суынган булуы бигрәк тә ризасызлык тудыра.

Моны исәпкә алып башкаланың күп мәктәпләрендә җиһазларны, савыт сабаны яңага алыштыралар. Моның өчен 30 миллион сум акча тотыла. Мәктәп ашханәләре дә төзекләндерелә. Хәзер әти - әниләр белән бергәләп сыйфатны яхшыртырга ди Илсур Метшин.

Илсур МЕТШИН, Казан мэры:
- Я думаю не все папы довольны своим ужином, где то подгорело.

Минем уйлавымча күп кенә әти-әниләр дә үз кичке ашлары белән тулысынча канәгать түгелдер, каядыр яна, каядыр көя бит. Балалар өчен тәмле ризык ул чипсы, кока кола, сосискы, шоколад. Алар өчен аш, парда пешкән кәтлит деликатес түгел, шуңа туклану мәсәләсендә без бөтенебез бер йодрык булып эшләргә тиеш.

Туклануга кагылышлы моң зарларны һәр мәктәп ишек төбендә торган менә шушы журналын язарга я булмаса махсус тартмага салып калдырырга була. Әти әниләр сүзе бу эштә иң үтемлесе. Әйтик зарлана торгач менюда язылган белән чынлыкта нәрсә ашатулары туры килә башлаган, алга таба ризык та суынмый башлар дип ышаныйк.

Казанның 30 мәктәбендә ни сәбәпледер мондый журнал алып барылмый икән. Анда балалары укыган әти әниләргә Туклану департаменты инстаграмына мөрәҗәгать итә ала. Аны әти-әниләр контроле булсын дип махсус булдырганнар. 

Комментарии 0

Аватар