Суга баш белән чумып имгәнгән кешеләрнең яртысыннан артыгы исән калмый

Татарстанда су коену сезоны башланып 2 атна да үтмәде, РКБга инде имгәнгән коенучыларны алып килә башладылар. Күпчелеге - чумганда муенын сындыра,я имгәтә. Хәзер монда шундый 2 пациентны дәвалыйлар. Берсе реанимация бүлегендә ята.

"Суга баш белән чумып имгәнгән кешеләрнең яртысыннан артыгы исән калмый. Калганнарының да күбесе гомерлек гарипкә әйләнә", ди табиблар. Мондый бәлагә таручыларга ничек беренче ярдәм күрсәтергә, бу хәлгә калмас өчен нинди саклык чаралары күрергә кирәк? Чулпан Касыймова сөйләр.