Татарстанда кискен рәвештә аерылышучылар саны арта

2021 елның гыйнвар-май айларында Татарстанда 5089 аерылышу теркәлгән. Бу узган елның шул ук чор күрсәткечләреннән 62% ка артыграк, дип хәбәр итә «Коммерсант».

Республика күрсәткечләре ил буенча һәм Идел буе федераль округында уртачадан югарырак булып чыкты, анда аерылышучылар саны 40% ка артты.

Россия субъектлары арасында аерылышулар саны буенча Ингушетия алда бара, анда гаиләләр 3,5 тапкыр ешрак таркала башлаган. Аның артыннан Чечня - 2,7 тапкыр, Дагыстан - 2,1 тапкыр.

Фото: ТНВ