Казанда 13 яшьлек кыз ябык фатирда янгында үлгән

Кичә кич белән Казанның Дәрвишләр бистәсендә Солидарности урамы буенча 21 номерлы йортның дүртенче катындагы фатир янды. Бу хакта Татарстан Гадәттән тыш хәлләр министрлыгы матбугат хезмәте хәбәр итте.

Фатирда 13 яшьлек кызның тынсыз гәүдәсе табыла.

Күршеләренең сүзләренә караганда, кыз фатирдан чыга алмаган, чөнки ул ачкычка бикләнгән, дип хәбәр итә "Вызов 112" (ТНВ) хәбәрчеләре. Бу хәл буенча җинаять эше ачылган.