Пенсионерларга 10 мең сум акча кайчан күчереләчәге билгеле булды

Пенсионерларга 10 000 сум күләмендә бер тапкыр бирелә торган түләү 2 сентябрьдә күчереләчәк, дип хәбәр итә ТАСС.

Банк картасы аша пенсия алучыларга түләүләр пәнҗешәмбе көнне күчереләчәк, ә Россия почтасы аша акча алучылар түләүләрне Пенсия алган көнне алачаклар.

Искәртеп узабыз, элегрәк Россия Президенты Владимир Путин "Бердәм Россия" партиясе әгъзалары белән очрашуда быел пенсионерларга бер тапкыр 10 000 сум түләргә тәкъдим иткән иде.

Фото: pixabay.com