Казанда бер ел эчендә генә яңа төзелгән йортларга бәя 29% арткан

Казанның яңа төзелешләрендә бер «квадрат» торак бәясе бер ел эчендә 29% арткан. Шулай итеп, Татарстан башкаласы яңа төзелешкә бәяләрнең иң тиз артучы шәһәрләр бишлегенә керде, дип хәбәр итә «Коммерсантъ».

Бүгенге көндә Казанда бер "квадрат" торак 125 200 сум дип бәяләнә, бер ай элек бу күрсәткеч 122 400 сум, ә 2020 елда 97 200 сум иде.

Яңа төзелештәге фатир бәяләре буенча беренче урында Мәскәү, икенче һәм өченче урыннарны Санкт-Петербург һәм Краснодар бүлә.

Фото: pixabay.com