Казанда эшләми торган көннәр чорында трамвай һәм троллейбусларның йөреше үзгәрәчәк

Казанда 30 октябрьдән 7 ноябрьгә кадәр трамвай һәм троллейбуслар хәрәкәтенә үзгәрешләр кертелә, дип хәбәр итә «Метроэлектротранс» МУП.

Шулай итеп, 1, 2 һәм 3 ноябрь көннәрендә транспорт көндәлек расписание буенча йөриячәк, әмма 4, 5, 6 һәм 7 ноябрь көннәрендә трамвайлар һәм троллейбуслар якшәмбе көне графигы буенча йөриячәк.

Казанлыларны маршрутны планлаштырганда үзгәрешләрне исәпкә алырга сорыйлар.

Исегезгә төшерәбез, Россия Президенты Владимир Путин вице-премьер Татьяна Голикованың илдә коронавирус вәзгыяте аркасында 30 октябрьдән 7 ноябрьгә кадәр өстәмә ял көннәре кертү инициативасын хуплады. Президент хезмәт хакы сакланырга тиешлеген билгеләп үтте.

Фото: pixabay.com