Казанда тынычлык саклаучыларның халыкара өйрәнүләре бара

Казанда тынычлык саклаучыларның халыкара өйрәнүләре башланды. Татарстан тарихында беренче тапкыр «Нерушимое братство» — «Какшамас туганлык» дип аталган зур хәрби өйрәнүләр үтә.

Анда Россия, Белоруссия, Әрмәнстан, Казахстан, Таҗикстан һәм Кыргызстаннан ике меңгә якын кеше катнаша. 300 хәрби техника җәлеп ителгән.

Тынычлык саклаучыларның халыкара өйрәнүләре, 1992 нче елда төзелгән, күмәк иминлек турындагы шартнамә нигезендә үткәрелә. Руслан Хөснетдинов тулырак.