Татарстанлыларга февраль аенда өстәмә ял көне булачагын искә төшерделәр

Татарстан Республикасы Хезмәт, халыкны эш белән тәэмин итү һәм социаль яклау министрлыгы 23 февраль - эшләми торган бәйрәм көне икәнен искә төшерә.

Димәк, 22 февральдә сишәмбе көнне эш көне озынлыгы бер сәгатькә кыскара. Исегезгә төшерәбез, март аенда Татарстан халкын Халыкара хатын-кызлар көне (8 Март) белән бәйле озак вакытлы яллар көтә.

Бу очракта яллар 3 көн дәвам итәчәк - 6 марттан 8 мартка кадәр якшәмбедән сишәмбегә кадәр, шул ук вакытта 5 март (шимбә) татарстанлыларга эшкә чыгарга туры киләчәк.