Путин Россиядә барлык мобилизацион чараларның кайчан тәмамланачагын әйтте

Россиядә өлешчә мобилизацияләүгә бәйле чаралар ике атна эчендә тәмамланачак. Бу хакта Астанада узган матбугат конференциясендә Россия Президенты Владимир Путин белдерде.

"Ике атна эчендә барлык мобилизацион чаралар да тәмамланыр дип уйлыйм", - дип белдерде Россия Президенты.

Дәүләт башлыгы хәбәр иткәнчә, хәзерге вакытта планлаштырылган 300 000 кешедән 222 000 кеше мобилизацияләнгән. Шулай ук Путин РФ Оборона министрлыгын мобилизацияләү буенча өстәмә чаралар үткәрергә җыенмавын билгеләп үтте.