Актриса Мәдинә Гайнуллина: "Миңа әти җитмәде. Минем өчен ул урланылган вакыт"

Әлмәт татар дәүләт театрының әйдәп баручы актрисасы, Татарстанның атказанган артисты Мәдинә Гайнуллина "Әй, язмыш, язмыш" тапшыруында кунакта булды. Мәдинә ханым тамашачыларны үзенең балачагы, тормышы, иҗаты белән таныштырды. Иң авыры - әтине югалту булды, дип искә алды ул тапшыру барышында.

"Минем үкенеч - 18 яшькә кадәр үземнең әтине күрүдән мәхрүм булып яшәү һәм ата назын, бер-беребезнең кадерне белә башлагач кына ул бу дөньядан китеп барды. Бик аз булды ул миңа, әти җитмәде. Кешегә бирелгән вакытны урларга ярамый. Минем ул урланылган вакыт", - дип сөйләде актриса.