Рөстәм Миңнеханов Россия көне уңаеннан видео белән бүлеште

Илебез, Республикабыз өчен олуг бәйрәмдә Татарстан Рәисе үзенең телеграм-каналында тирән эчтәлекле видео урнаштырды.

Видеода илебез тарихындагы әһәмиятле вакыйгаларның архив кадрлары күрсәтелә. Беренче тапкыр Галәмгә очу, җәйге Олимпиада мизгелләре сурәтләнә. Биредә илебезнең төрле төбәкләре, башкалабыз Мәскәү белән беррәттән Татарстанның төрле районнарының да күренешләре бар. «Россия, без синең балаларың! Һәркемнең тавышы мөһим!», — җыр сүзләре шуның хакта иде.

«Бүген Ватаныбызга мәхәббәт аңлату, аның күпгасырлы тарихы, бай мәдәни мирасы, бөек җиңүләре белән горурлану көне. Бәйрәм белән! Россия көне белән!», — дип язып куйган видео астына Рәис.