Үз теләге белән махсус операциягә киткән депутат Альфред Вәлиев ТНВ каналына хезмәте турында сөйләде

Казанга ике атналык ялга СВО зонасыннан «Коммунисты России» партиясенең Татарстан бүлеге җитәкчесе, Казан шәһәре Думасы депутаты Альфред Вәлиев кайтты.

60 яшьлек запастагы офицер быел май аенда үз теләге белән Украинадагы махсус хәрби операция зонасына китте. Алгы сызыкта ул «Ениисей» диверсия-разведка батальоны командиры урынбасары булып хезмәт итә.

Альфред Вәлиев ТНВ хәбәрчесе Дмитрий Арининга биргән интервьюсында Ватан алдындагы хезмәте, ярдәм һәм бурыч турында сөйләде.