2024 елда Бердәм дәүләт имтиханнары үткәрү көннәре билгеле

БДИ үткәрү даталары 2024 елда норматив хокукый актлар проектлары порталында бастырылды.

Документ нигезендә, БДИ 2024 елның 23 маенда башлана — география, әдәбият һәм химия. 28 майга рус теле буенча БДИ үткәрү планлаштырыла, 31 майда- база һәм профильле дәрәҗәдәге математика.

4 июньгә җәмгыять белеме буенча, 7 һәм 8 июньдә — информатика буенча, 10 июньдә — тарих һәм физика буенча, 13 июньдә — биология һәм чит тел буенча язма өлеш буенча, 17 һәм 18 июньдә — чит телнең телдән сөйләм өлеше буенча БДИ тапшыру планлаштырыла.

Фото: mon.tatarstan.ru