Буран аркасында М-12 трассасында транспорт хәрәкәте чикләнде

Татарстанда М-12 трассаларында буран аркасында транспорт хәрәкәтенә чикләүләр кертелде, дип хәбәр итә ТР Дәүләт автоинспекциясенең телеграм-каналы һәм ТР Гадәттән тыш хәлләр министрлыгының матбугат хезмәте.

М-12 Восток автоюлында чикләүләр 6:00 сәгатьтән гамәлдә һәм һава шартлары яхшырганчы дәвам итәчәк.

Ярдәм сорап төбәк дәүләт автоинспекциясенең +7 (843) 533-38-88 номерлы дежур частена һәм ТР Транспорт министрлыгының +7 (843) 291-91-91 номерлы диспетчерлык хезмәтенә мөрәҗәгать итәргә мөмкин.

Фото: freepik.com