"Иванушки", Хабиб һәм Ваня Дмитриенко: "Гаилә белән сайлыйбыз" фестиваленең хедлайнерлары билгеле

17 март "Ак Барс Арена" каршында "Гаилә белән сайлыйбыз" фестивале узачак. Аның хедлайнерлары җырчы Хабиб, «Иванушки International», «Хор Турецкого» һәм «Кармен» музыка коллективлары, шулай ук Ваня Дмитриенко булачак.

Фестиваль 12:00 сәгатьтән 21:30 сәгатькә кадәр узачак, Россия Президентын сайлауда тавыш биргән казанлылар өчен керү мөмкинлеге булачак, дип хәбәр итте Казан Башкарма комитеты Аппараты башлыгы Булат Алеев.

15-17 нче март көннәрендә Россиядә ил президентын сайлаулар узачак. Казанда сайлауларга 466 участок (31 е – гражданнарның вакытлыча тору урыннарында) әзерләнгән һәм тиешенчә җиһазландырылган.

Сайлау участоклары өч көн дәвамында 8:00 дән 20:00 гә кадәр эшләячәк, дип яза шәһәр мэриясе.

Кандидатлар: «Новые люди» партиясеннән Владислав Даванков, КПРФ партиясеннән Николай Харитонов, ЛДПР партиясеннән Леонид Слуцкий һәм үз-үзен тәкъдим итүче Владимир Путин.

Фото: https://vk.com/vanya_dmitrienko