Рөстәм Миңнеханов Светлана Кадыровага ТР Дәүләт бүләген тапшырды

Бүген Татарстан Республикасы Рәисе Рөстәм Миңнеханов Казан Кремлендә республика дәүләт бүләкләрен тапшырды.

"Яңа Гасыр" телерадиокомпаниясе" акционер җәмгыяте генераль директорының мәгълүмати тапшырулар буенча урынбасары Светлана Николай кызы Кадырова Татарстан Республикасының Атказанган матбугат һәм массакүләм коммуникацияләр хезмәткәре" дигән мактаклы исемгә лаек булды.

ТНВ телеканалы коллективы Светлана Кадырованы котлый һәм алга таба уңышлар, яңа иҗади казанышлар теләп кала!

Фото: rais.tatarstan.ru