Казанда аэропорт вакытлыча ябылды

Бүген Габдулла Тукай исемендәге Казан халыкара аэропорты эшенә гражданнар һава суднолары очышларының куркынычсызлыгын тәэмин итү өчен вакытлыча чикләүләр кертелгән, дип хәбәр итә Росавиация.

"Аэродром 11.29 сәгатьтән (Мәскәү вакыты буенча) авиарейсларны вакытлыча кабул итми һәм җибәрми", – диелә хәбәрдә.

Казан аэропортына очучы рейслар Ульяновск, Самара, Чебоксар, Уфа һәм Мәскәү (Внуково) запас аэродромнарына юнәлтелә.

Фото: t.me/airportkazan