Татарстаннан Мисырга 5 мең тонна ашлык җибәргәннәр

Бүген Татарстаннан Мисырга ашлык төялгән баржа кузгалды. Республикадан Кытай һәм Иранга шундый йөкне озатканнар иде инде. Хәзер Африка илләре базарына чыгалар.

Алексеевск районында теплоходка 5 мең тонна ашлык төяделәр. Ул башта Кавказга, аннан Мисырга юл тотачак. Ашлыкның сыйфатын Россельхознадзорның Татарстандагы идарәсе белгечләре тикшереп тора.

Ул чит ил стандартына туры килмәсә, бөртеклеләрне нишләтәләр? Су юлы буйлап ашлык озатуның үзенчәлекләре хакында Инзилә Хөсәенова репортажы.