Түбән Тагилда газ баллоны шартлаганнан соң биш катлы торак йортның подъезды ишелгән

Бүген Түбән Тагилдагы биш катлы торак йортта газ шартлаган. Шартлау нәтиҗәсендә, тулы бер подъезд ишелеп төшкән. Бу хакта Baza телеграм каналы хәбәр итә.

Өемнәр астыннан өч олы кеше һәм бер бала чыгардылар. Зыян күрүчеләр саны билгеләнә.

Коткару операциясе тагын да зуррак ишелү куркынычы белән катлаулана. Беренчел мәгълүмат буенча, җимерекләр астында тагын ким дигәндә ике кеше кала.



Фото: t.me/bazabazon