Россиядә кабат мобилизация булачакмы?

Дәүләт Думасында РФ чикләре буенда һөҗүм фонында яңа мобилизация мөмкинлеген кире кактылар. Бу хакта «Говорит Москва» радиостанциясенә биргән интервьюсында парламентның түбән палатасының оборона комитеты әгъзасы Виктор Заварзин белдерде.

Сәясәтче сүзләренчә, Россиядә яңа мобилизация планлаштырылмый, чөнки моңа бернинди дә ихтыяҗ юк. Ул якын арада Россия армиясе Генштаб куйган максатларга ирешергә тиеш дип ышана.

"Безнең көчебез җитәрлек, безнең контрактчылар гына да 700 меңгә җитә. Мин моны нормаль күренеш дип саныйм. Әлегә мондый сорау тормый, мондый максат куелмый", - дип белдерде Заварзин.

Исегезгә төшерәбез, Татарстанда 1 августан РФ Оборона министрлыгы белән контракт төзегән гражданнар 1 миллион 705 мең сумга кадәр түләүләр алачак. Тулырак мәгълүмат өчен телефон: 8 (800) 222-59-00 һәм heroes-tatarstan.ru сайтында.

Фото: rais.tatarstan.ru