Казансу елгасы буенда “Елмай” дип аталган яңа балалар паркы ачылды

Бәйрәм бүләксез буламыни?! Иртәдән үк Республика районнарында һәм Казанда яңа объектлар кулланылышка тапшырыла.

Алар халык өчен! Аларның тормыш шартларын яхшырту һәм ял мөмкинлеген арттыру өчен төзелгән. Иң зур бүләк — Казансу елгасы буендагы «Елмай» дип аталган балалар паркы. Ул 3 гектар ярым мәйданны били. Монда берьюлы 8 мең сабый уйный ала.

Ачылыш тантанасына килгән Республика Рәисе — Рөстәм Миңнеханов та анда сәгатькә якын йөрде. Зур гаилә бәйрәменә әверелгән вакыйгадан — Инзилә Хөсәенова репортажы.