Яшел Үзән районының Сосновый Бор станциясендә 4 балалы ананы поезд бәргән

Татарстанда — Яшел Үзән районының Сосновый Бор станциясендә булган фаҗиганең сәбәпләрен ачыклауны дәвам итәләр. Монда ялларда коляска белән баласын этеп баручы хатын-кызны поезд бәрдереп китә.

Әни кеше үлә, сабые әле дә хастаханәдә ята. Хәзер Тикшерү комитетының транспортта тикшерү идарәсе экспертизалар билгеләгән. Бу гаилә - күп балалы була. Дүртесе дә хәзер әнисез калды.

Әти-әниләренең никахы рәсми теркәлмәгән булу сәбәпле, хәзер аларга карата опека мәсьәләсе хәл ителә. Тулырак Рания Абдрахманова.