Яңа закон карала: Берничә тапкыр кагыйдә бозучының машина йөртү таныклыгын алырга мөмкиннәр

Берничә тапкыр кагыйдә бозган өчен машина йөртү хокукын чикләргә мөмкиннәр. Россия Дәүләт Думасы административ җаваплылык турындагы кодекска үзгәрешләрне беренче укылышта кабул итте.

Кагыйдә бозучыга башта 5 меңгә кадәр штраф салачаклар, яңадан эләксәләр - таныклыкны алалар. Моңарчы булган җәза чаралары машина йөртүчеләрне куркытмый, ди депутатлар. Штраф түлиләр дә, хокук бозуны дәвам итәләр.

ТНВ хәбәрчесе Рания Абдрахманова бу мәсьәләне җентекләп өйрәнде һәм халык фикерен ишетте.