Юлда өзелә гомерләр: нигә вәзгыятьне яхшы асфальт түгел, кеше ваемсызлыгы хәл итә?

Татарстанда кеше гомерен өзгән аварияләр күп. Ел дәвамында алар 2 600 була һәм 260 кешене арабыздан вакытсыз алып китә. Илкүләм проект буенча һәләкатләрдә кеше үлеме күрсәткече бу елга бездә 282. Әмма әле ай ярым бар. Ә без бу санга яшен тизлеге белән якынаябыз.

Рифкат Миңнехановның гел әйтә торган сүзе бар: Юл йөрү кагыйдәләре кан белән язылган. Катгый әйтелгән, әмма хак!

Республикада юлларның сыйфатын арттыру өчен күпме эш башкарыла. Шигем юк, без юл салу буенча Россиядә алдынгы төбәкләрнең берседер. Алия Хәйретдинова шуны аңларга тырышты: нигә юлдагы вәзгыятьне яхшы асфальт түгел, кеше ваемсызлыгы хәл итә?