Татарстан оешмалары 30 меңнән артык вахтага китүчеләргә үзебездә эш урыны тәкъдим итә

30 меңнән артык Татарстанлы читкә китеп эшли. Вахта ысулы белән Себер, Урал, Мәскәү өлкәсе ягына юл тоталар. Чүпрәле, Буа һәм Кайбыч районында шулай эшләүчеләр шактый күп.

Татарстан оешмалары аларга үзебездә эш урыны тәкъдим итә. Шулай ук вахта ысулын саклау мөмкинлеге бар. Хезмәт хакы да ким түгел. КАМАЗ оешмасы вәкилләре районнарда очрашулар уздырды. Эш тәртибен, шартларны аңлаттылар.