Россиядә шәхси пансионат хуҗаларына таләпләр катгыйланачак!

Россиядә шәхси пансионат хуҗаларына таләпләрне катгыйландырырга җыеналар. Хәзер аларның эшчәнлегенә кагылышлы федераль закон проекты әзерләнгән. 2026нчы елда ул кабул ителсә - мондый үзәк ачучыларның барысы да лицензия алып эшләргә тиеш. Әлегә исә законсыз пансионатлар шактый.

Аларда санитар таләпләр, янгын куркынычсызлыгы кагыйдәләре үтәләме-юкмы, яшәү шартлары бармы - билгесез. Дәүләт Советының социаль сәясәт комитеты утырышында бүген әлеге мәсьәлә күтәрелде.