Кемнәр "Миллиард татар" проекты рейтингы буенча "Ел татары" дип танылды?

Телеграмны татарчага тәрҗемә итәләр, татар чәе белән сыйлыйлар, милләттәшләребез өчен милли рухтагы тамашалар куялар. Казан Кремлендә "Ел татары" премиясе лауреатларын атадылар. Телебезне саклауга зур өлеш керткән дистәләгән проект авторы, үз эшчәнлеге белән халкыбызның гореф-гадәтләрен яшь буынга тапшырырга ярдәм итүчеләрне бүләкләделәр.

Аларны башта экспертлар, аннары социаль челтәрләрдә халык сайлаган. Иң күп тавыш җыеп, "Шамил" мәчете имамы Мәхмүт Шәрәфетдинов - "Ел татары" исеменә лаек булды.

Елның мөһим вакыйгасы дип, БРИКС саммитын, ел җитешсезлеге дип - Җәмигъ мәчетнең төзелә башламавын атадылар. Илсөя Бәдретдинова, Искәндәр Гыйләҗев, Алинә Заһитова, Фәрит Бикчәнтәевләр нинди хезмәтләре өчен "Миллиард татар" проекты рейтингы буенча "Ел татары" дип танылды? Тантанадан - Рүзәл Шәрипов репортажы.