Казахстанда Бакудан Грозныйга очкан самолет төшкән, үлүчеләр күп

Казахстанның Актау шәһәре аэропортында Бакудан Грозныйга очучы самолет төшеп шартлаган. 

Исән калган кешеләр булырга мөмкин. Әлегә 60 кешенең Россия гражданины булуы билгеле. ММЧ кимендә 6 кешенең исән калуы турында язалар.

Беренчел мәгълүматларга таянып, Росавиация кошлар белән бәрелешүдән соң, һава судносы бортында килеп туган штаттан тыш вәзгыять аркасында, аның командиры запас аэродромга төшәргә карар кабул итә - ул Актауны сайлый, дип хәбәр итә. 

Казахстан Республикасының оператив хезмәтләре эзләү-коткару эшләрен алып бара.