Казанның Иске татар бистәсендә "Нәсел кайтавазы" дип аталучы этник шоуны тәкъдим иттеләр

Кичә Казанның Иске татар бистәсендә "Нәсел кайтавазы" дип аталучы этник шоуны тәкъдим иттеләр. 3 артист 1 сәгатьлек спектакльдә борынгы тарихны ачып сала. Ул АшИна риваятенә нигезләнеп эшләнгән. Шул чордагы мохитне аңлату өчен тамашаны тирмәдә күрсәттеләр.

Спектакльнең асылы мәдәни мирас, милли гореф-гадәтләрне саклауга юнәлтелгән. Тарихны дөрес итеп күрсәтү өчен артистлар Фәннәр академиясе галимнәре берлектә эшләгән. Әлеге тамашаны беренче булып караган Илдар Сафиуллин бүген үзе дә тарихи образга керде.