"Элемтәдә калыгыз": Ни өчен 112гә шалтыратучыларга операторның җавабын озаграк көтәргә туры килә?

112 хезмәтенә белгечләр җитмәү сәбәпле, операторның җавабын озаграк көтәргә туры килә.

Казанда һәм Яр Чаллыда урнашкан ике үзәккә - тәүлегенә 8 мең тапкыр шалтыраталар. 21нче декабрьдә - башкалага пилотсыз очкычлар һөҗүм ясаган көнне - мөрәҗәгатьләр саны 12 мең була.

Бүген монда 97 хезмәткәр эшли. 1нче гыйнвардан Республика Рәисе карары буенча - штат 146га җиткерелә. Хәзер җитмәгән 50 белгечне туплыйлар. Диспетчерларның эшчәнлеге турында - Алия Сабирова.