Татарстан халкын якын арада һава торышы үзгәрешләре турында кисәттеләр

Бүген кич, шулай ук төнлә һәм 1 февраль иртәсендә Татарстан территориясендә, Казанны да кертеп, урыны белән томан көтелә. Бу хакта ТР Гидрометүзәге кисәтә.

Үз чиратында, ТР Гадәттән тыш хәлләр министрлыгында урамнар һәм юлларда сак булырга киңәш итәләр. Җәяүлеләргә җир өсте яки җир асты кичүләреннән генә файдалану кулай булыр.

"Балаларны күзәтегез, өлкән яшьтәге һәм авыру кешеләргә ярдәм күрсәтегез. Ашыгыч хезмәтләр телефоны 112", - диелә ведомство хәбәрендә.

Фото: TNV.RU