Сак булыгыз: мошенниклар чит илдән торып акча урлыйлар

Узган ел татарстанлылар мошенниклар тозагына эләгеп, 5 миллиард сум акчасын югалткан.

2023нче ел белән чагыштырганда, бу 2 тапкырга күбрәк. Әлеге саннарны бүген Татарстанның Эчке эшләр министрлыгында хәбәр иттеләр. Статистика буенча, Республика халкы уртача алганда көн саен җинаятьчеләргә 10-20 миллион сум акча җибәрә икән. Шул ук вакытта соңгы елларда аларны ачыклау кыенлашкан. Чөнки хокук бозучыларның күбесе - чит илдән эш итә.

Мәгълүмати технологияләр алга киткән заманда үзеңне ничек сакларга? Ни өчен белгечләр - риелторлар белән эш йөрткәндә аеруча игътибарлы булырга киңәш итә? Сорауларга җавапны хәбәрчеләребез эзләде.