Столбище бистәсендә яшәүчеләр күлгә заводтан юынтык су агызуларына зарлана

"Күлгә заводтан юынтык су агызалар. Андагы тереклек юкка чыгарга мөмкин." Лаеш районының Столбище бистәсендә яшәүчеләр безнең редакциягә ярдәм сорап мөрәҗәгать итте.

Инде бер ай тирәсе Четово күленә шундый куркыныч яный диләр. Якында урнашкан металл эшләнмәләре җитештерү заводыннан шикләнәләр. Ләкин бу оешма җитәкчелеге безнең гаеп юк, юынтык сулар агызмыйбыз ди. Четрекле мәсьәләне Инзилә Хөсәенова өйрәнде.