Казанның Мирный бистәсендәге пансионатта 77 яшьлек ир тәрәзәдән егылып үлгән

Тапшыруны Казанның Мирный бистәсендә килеп чыккан хәл белән дәвам итәбез. Биредәге шәхси картлар йортында - фаҗигале төстә, 77 яшьлек ирнең гомере өзелгән. 

Аның үле гәүдәсен ишегалдында табалар. Тәрәзәдән төшкән, дип фаразлана. Бу - республикадагы шәхси учреждениеләрдә килеп чыккан беренче генә очрак түгел. 

Узган ел көз Щербаковка бистәсендәге хәл җәмәгатьчелеккә фаш ителгән иде. Бүгенге фаҗигане булдырмый калып була идеме? Хәзер тикшерүчеләр шуны ачыклый.