Ришвәтчелек: кем күпме ала, кем эшсез калган?

Татарстан Рәисенең коррупциягә каршы сәясәт мәсьәләләре идарәсе 2024нче елда ришвәтчелек белән көрәш нәтиҗәләрен игълан итте. 

Казанның балалар бакчасында ата-аналардан законсыз рәвештә акча җыйганнар. Лаешның Сокуры авыл җирлеге башлыгының банк картасына зур суммада акча килеп торган. Бөгелмәдә юл бордюрлары бер сезонга да чыдамаган.

Бүген "Халык контроле" порталына ришвәтчелек буенча 52 мөрәҗәгать алганнар. Аеруча торак-комуналь хуҗалык, сәламәтлек саклау, мөлкәт һәм мәгариф системасы буенча күп язалар. Ришвәттән дәва бармы? Эльмира Имамиева репортажында.