Казна һәм акча мәсьәләсе: кем күпме табыш китерә?

Үзмәшгульләр бер елда Республика бюджетына миллиард сум салым түләгән. Ә нефтьчеләр районы Әлмәттә - физик затларның кеременә салым 500 миллион сумга кимрәк чыккан.

Шул ук вакытта мошенниклар - салым хезмәткәрләре булып, халыкны алдый башлаган. Бу һәм башка финанс мәсьәләләр турында Хөкүмәт йортында сөйләштеләр.

Рөстәм Миңнеханов республиканың финанс, казначылык һәм салым органнары утырышын уздырды. Ел башыннан бюджет буенча барлык бурычлар үтәлгән. Әмма быелга казна кытлык белән кабул ителгән иде. Шууңа күрә акчаны санап тоту мөһим, ди җитәкчелек.