Казанда меңләгән кешегә кагыла торган проблема: кайнар су бетә, газны өзәләр

Казанда меңләгән кешегә кагыла торган проблема кискенләшеп килә. Хәзерге вакытта күп катлы 40лап йортта яшәүчеләр кайнар сусыз кала. 

Төтен чыгару, вентиляция каналлары төзек булмаганлыктан, аларның фатирларында колонкага газ бирүне туктатканнар. Ел башыннан Казанда сөрем газы белән агулануның 6 очрагы теркәлгән, 12 кеше зыян күрә. 

Узган ел Республика буенча 37 кеше иде, тагын икесе үлде. Газны өзәләр өзүен, әмма ремонт айларга һәм елларга сузыла. Шәһәр хакимияте нинди тәкъдимен җиткерә? Гөлназ Сәйфетдинова материалын карыйк.