Яшел Үзәндә яңа "Метеор 2020" Иделгә төшерелде

Татарстанның суднолар төзелеше тармагы өчен мөһим көн. Яшел Үзәндә "Метеор 2020" дигән яңа су транспортын кулланылышка тапшырдылар. 

Бу - республикада быел җитештерелгән икенче пассажир судносы. Һәм Татарстанда чыгарылган 6нчы метеор. Яшел Үзән заводында Советлар Союзы чорының данлыклы теплоходын яңартып эшлиләр.

Бу юлы инженер һәм конструторлар аның техник мөмкинлекләрен арттырган. Әйтик, хәзер ул ераккарак һәм тизрәк бара ала. Пассажирларның уңайлылыгына да зур игътибар бирелгән. Теманы Айсылу Гыйльмеханова дәвам итә.