Мотосезон башыннан Татарстанда 15 һәләкат килеп чыккан

Татарстан юлларында соңгы ике елда мотоцикл, питпайк һәм квадроцикл кебек техника ике тапкырга арткан. Быел ул иң зур күрсәткечкә җиткән.

Без еш кына олы юлга чыгучы балаларны күрә башладык. Нәтиҗәдә, алар катнашындагы аварияләр күбәйгән. Мотосезон башыннан шундый 15 һәләкат килеп чыга. Мототехника саны арту белән, ата-аналарның җаваплыгы да көчәергә тиеш, ди белгечләр.

Әлегә аларны штраф белән куркытып булмый. Әмма әти-әни баласы белән сөйләшеп, гап-гади кагыйдәләрне аңлатсын иде диләр.