Шау-шу уяткан пансионат: шаһит һәм зыян күрүчеләр күрсәтмәләре ни сөйли?

Казанның Авиатөзелеш районы судында Щербаково бистәсендәге шәхси картлар йорты белән бәйле җинаять эшен карый башладылар. Әлеге бинаны арендага алып, анда пансионат оештырган Чулпан Мифтахова гаепләнә.

Аңа карата җинаять эше «Иминлек таләпләренә туры килмәгән хезмәт күрсәтү» маддәсе буенча ачылган иде. Узган елның сентябрендә монда олы яшьтәге хатынның үле гәүдәсе табыла. Шуннан соң 22 пенсионерны башка урынга күчерергә туры килә.

Кичә утырышта шаһит һәм зыян күрүчеләрнең күрсәтмәләрен тыңладылар. Судтан — Эльмира Имамиева репортажы.