Татарстанның Тукай районындагы коточкыч юл-транспорт һәлакәте өч олы кеше һәм баланың гомерен өзгән

Бүген Татарстанның Тукай районында «Лада» автомобиле йөртүчесе каршы як полосага чыккан, анда "Фольксваген" белән бәрелешкән, дип хәбәр иттеләр ТР буенча Эчке эшләр министрлыгы матбугат хезмәтендә.

Юл-транспорт һәлакәте нәтиҗәсендә "Лада"ның машина йөртүчесе һәм ике пассажиры һәлак булган, шул исәптән өч яшьлек бала. Ул балалар өчен махсус утыргычта булган. Шулай ук урында "Фольксваген" пассажиры үлгән.

"Фольксваген" йөртүчесе һәм аның тагын ике пассажиры, шулай ук бала, җәрәхәтләр алган, аларны хастаханәгә салганнар.

Фото: МВД по РТ