Лаеш районындагы экстрим-паркта "Безнең ишегалды" дип аталган күршеләр фестивале узды

Лаеш районындагы экстрим-паркта "Безнең ишегалды" дип аталган күршеләр фестивале гөрләде. Ул - Рөстәм Миңнеханов ярдәме белән тормышка ашырыла торган республика программасының бер өлеше.

 "Безнең ишегалды" буенча Татарстанда 5 елда 5 меңнән артык ишегалды яңартылган. Аның 40ы - Лаеш районында урнашкан. Монда 6 меңнән артык кешенең яшәү шартларын яхшыртканнар. Шуңа бүгенгә бәйрәмгә дә халык аеруча күп җыелган иде. Аларның хис-кичерешләре хакында Рүзәл Шәрипов.