Путин белән Трамп очрашуыннан соң, Аляскада 82 ел элек югалган татар очучысы кабере табылган

Узган атна ахырында Владимир Путин белән Дональд Трампның Аляскада очрашуы - Әтнә районының Ябынчы авылына кайтаваз булып кайта.

 Дөнья хәлләрен күзәтеп барганда, телевизордан - авылдашлары Мөбарәк Нуриевның кайда җирләнүен белеп алалар. Ул көнне Россия Президенты Аляскада совет солдатлары каберенә чәчәк тә салды.

Монда якташыбыз, татар очучысы Мөбарәк Нуриев та җирләнгән икән. Аның туганнары фаҗигале үлеме турында белгән белүен, ләкин каберенең кайда икәнен менә хәзер - 82 елдан соң гына ачыклыйлар. Хәбәрчебез Алия Сабирова геройның туган ягына юл тотты.