Татарстанда өч сәгатьтән соң "Пилотсыз очкыч һөҗүм итү куркынычы" режимы гамәлдән чыгарылды

Бүген 09:08 Татарстанда "пилотсыз очкыч һөҗүм итү куркынычы» режимын гамәлдән чыгардылар, аны 06:02 керткән иделәр. Бу хакта Россия гадәттән тыш хәлләр министрлыгы үзенең мобиль кушымтасы аша хәбәр итте.

Исегезгә төшерәбез, дроннар һөҗүме куркынычы булганда коткаручылар якындагы бинада качарга киңәш итә. Аскы катларга төшәргә һәм лифттан файдаланмаска. Фатирда-тәрәзәсез урын табарга һәм идәнгә утырырга.

Татарстан Рәисе Рөстәм Миңнеханов республиканың барлык оператив хезмәтләренең даими хәрби әзерлектә булуын белдерде.

Фото: ТНВ