Җәйге тәгәрмәчне кышкыга кайчан алыштыру отышлы?

Россия Гидрометүзәгенең фәнни җитәкчесе Роман Вильфанд бу атнадан ук җәйге резинаны кышкысына алыштырырга мөмкин, дип белдерде.

"Белгечләр +5 градус һәм аннан түбән температурада җәйге резинаның эластик үзлекләре бозылуын күрсәтә. Һәм шуңа күрә, әлбәттә, туктау вакыты арта", - дип Вильфанд сүзләрен җиткерә  ТАСС.

"Кар булмаганда бу карарны һәр кеше үзе кабул итә", - дип өстәде метеоролог. Әгәр кышкы резина шипланган булса, әлегә алыштырырга кирәкми.

Фото: freepik.com