Капчыклап алалар: Казанда шикәр комына 4 ел элек булган сорау туган

Казанда шикәр комын капчыклап сатып ала башлаганнар. Ярминкәләргә аны КАМАЗларда алып киләләр, әмма ул да җитми. 

Гадәттә, 55 тонна гына китерә торган булсалар, соңгы атналарда 95шәр тоннага җитә. 6 атна эчендә башкала ярминкәләрендә 350 тоннадан артык шикәр сатылган. Авыл хуҗалыгы министрлыгында моны буш урында барлыкка килгән ыгы-зыгы, дип атыйлар. Чөнки быел уңыш та байрак, Республика шикәр белән 260%ка ук тәэмин ителгән. 

Кемнәр имеш-мимешләргә ышанып ажиотаж хасил итә? Мәсьәләгә Рүзәл Шәрипов ачыклык кертергә тырышты.