Казанда “Студентлар язы”: бөтен Россиядән яшьләр башкалага җыелды

Көзләрдә дә язлар кабатлана. Башкалабыз Казанга бөтен Россиядән - "Студентлар язы"на җыелдылар. Фестиваль быел Ватанны саклаучылар елына һәм Бөек Җиңүнең 80 еллыгына багышлана. 

Аның тантаналы ачылышында театральләштерелгән шоу күрсәттеләр. Чит төбәкләрдән килгән студентларны татар мәдәнияте белән якыннан таныштыралар. Сәхнәгә хәтта Шүрәле дә чыкты. Хәзер студентларның үзләренә 600 ләп эш тәкъдим итәргә кирәк. Аларга экспертлар советы бәя бирәчәк. Бу көннәрдә Казан ничек итеп яшьләр башкаласына әверелде - хәбәрчебез сөйләр.