348 миллион сумлык коррупция: Татарстанда ел нәтиҗәләре билгеле булды

Татарстанда - коррупция белән бәйле җинаятьләр буенча, ел башыннан дәүләткә 348 млн сум зыян салынган. Хокук бозуларның иң күп өлеше - мәгариф, төзелеш, торак-коммуналь хуҗалык, дәүләт заказлары өлкәләрендә ачыклана.

Җитди очраклар хакында бүген “Алма-бирмә” дип аталган Республика форумында сөйләделәр. Лениногорск районында балалар бакчасы салабыз дип җир алып, анда күп катлы йортлар төзегәннәр. Яшел Үзәндә эшләүче бер җитәкче ришвәт буларак 4 җир участогы алган. Мөслимдә законсыз төстә акча җыеп, Сабан туе оештырганнар.

Әлеге хәлләр хакында тулырак Рүзәл Шәрипов.